#ПФД2023

15-16 јуни 2023 година

Струга, Северна Македонија

Преспа Форум за дијалог 2023 ќе се одржи на 15 и 16 јуни 2023 година, во Струга, во прекрасното опкружување на Охридското Езеро.

Овогодишниот Форум има посебно значење за државата и за регионот, имајќи предвид дека на 17 јуни ќе ја обележиме петгодишнината од потпишувањето на Преспанскиот договор меѓу Северна Македонија и Грција.

ПФД2023 ќе се одржи во време обележано од невидената, непредизвикана и нехумана воена агресија што ја води Русија против Украина, но и за време на Претседавањето на Северна Македонија со Организацијата за безбедност и соработка во Европа, со што преземавме огромна одговорност и решителност целосно да се ангажираме во заштитата на принципите и заложбите на ОБСЕ и во промовирањето дијалог и соработка.

Програмата на Форумот ќе вклучи, меѓу другото, разговори за горливите регионални и европски политичко-безбедносни прашања, евроинтеграцијата на државите од Западниот Балкан, перспективите за зајакнување на регионалната соработка и добрососедските односи, борбата против корупцијата итн.

Уверени сме дека ПФД2023 повторно ќе понуди платформа за дискусија и ќе собере на едно место домашни и меѓународни високи претставници, дипломати, истакнати личности од академската и деловната заедница, граѓанското општество и претставници на младински организации, кои ќе имаат одлична можност лично да ги споделат нивните анализи, мисли и идеи за широк обем регионални и меѓународни теми.

Со нетрпение ве очекуваме на ПФД2023!

Наскоро ќе следуваат повеќе информации на: https://www.facebook.com/PrespaForum (Фејсбук), @prespaforumdialogue (Инстаграм) и @PrespaForum (Твитер).

📣 #PFD2023

📍Struga, Lake Ohrid will be the hub of diplomacy this June!

📅 Save the date: 1️⃣5️⃣➖1️⃣6️⃣.0️⃣6️⃣.2️⃣0️⃣2️⃣3️⃣

↪️ More information will follow soon https://pfd.mk/

👉Through continued strengthening of the regional cooperation, as well as by upholding the strategic partnerships, we can actively contribute to the overall European security architecture.

#PFD2022

We thank #MarijaKrstevska, #VladimirGjorgjeski, #DitjonFetahu, #MiroslavTsekov, @GjokajAna & #ZeljkoDzukic for sharing their views #PFD #PFD2022

Load More

Please wait while flipbook is loading. For more related info, FAQs and issues please refer to DearFlip WordPress Flipbook Plugin Help documentation.

ЗА ПФД

Преспа Форум за Дијалог (ПФД) е платформа креирана од Владата на Република Северна Македонија со цел да им овозможи на земјите, лидерите, организациите и граѓаните да градат долгорочни односи и да ги зајакнуваат партнерствата.

Врз основа на резултатите и искуствата што придонесоа Северна Македонија да се развие во модерна, демократска и мултиетничка држава заснована врз европски вредности, ПФД има за цел да инспирира и промовира добрососедски односи и соработка. Платформата е замислена како место за размена на ставови и идеи за можни решенија на отворени билатерални прашања, со што би им се помогнало на владите, институциите и граѓанскиот сектор, вклучувајќи ги и младите, за доследно спроведување на духот и одредбите од потпишаните билатерални и регионални договори.

Учесниците на ПФД ќе имаат единствена можност со своите дискусии, проценки и предлози да стават личен печат за зајакнување на стабилноста на регионот на Западен Балкан, за збогатување на регионалната соработка и за испраќање позитивна слика за регионот во рамки на неговата европска интеграција и меѓународен контекст.